20 May 2013

நேரம் - NERAM - வீணாகாது ...




ஸ்மார்டான  பிஸ்தா பாடல் மூலம் படத்திற்கு வரவைத்தவர்கள் அதையும் தாண்டி நிறைய விஷயத்திற்கு நேரம் செலவழித்திருப்பது நன்றாகவே தெரிகிறது . பீட்சா  , சூது கவ்வும் அளவிற்கு படம் இல்லையென்றாலும் கார்த்திக் சுப்பராஜ் , நலன் குமரசாமி போன்ற குறும்பட இயக்குனர்கள் வரிசையில் தமிழுக்கு நல்ல புது வரவு அல்போன்ஸ் புத்திரன...

வேலையிலாத ஹீரோ வெற்றிக்கு ( நவின் )  ஒரே நேரத்தில் மூன்று பிரச்சனை . தங்கையின் திருமணத்திற்காக வட்டி ராஜாவிடம் ( சிம்ஹா ) வாங்கிய கடனை கொடுக்க வேண்டும் .  பெண்ணை கடத்தி விட்டதாக காதலி வேணி ( நஸ்ரியா ) யின் அப்பா ( தம்பி ராமையா ) கொடுத்த புகாருக்கு போலீசிடம் பதில் சொல்ல வேண்டும் . மீதி டவுரி பணத்தை  மாப்பிள்ளைக்கு கொடுக்க வேண்டும் . இந்த மூன்றையும் சமாளித்தாரா என்பதே நேரம் . கதை என்கிற கடுகு சிறிசாக இருந்தாலும் சொன்ன விதத்தில் காரம் இருக்கிறது ...

நவீன் பக்கத்து வீட்டு பையன் போல பாந்தமாக இருக்கிறார் . ரொமான்ஸில் கொஞ்சம் வழுக்கினாலும் ஆக்சன் காட்சிகளில் அட போட வைக்கிறார் . நயன்தாரா சாயலில்  இருந்தாலும் அவரை விட இளமையாக இருக்கிறார்  நஸ்ரியா . நயன்தாரா , அமலா பால் வரிசையில் தூக்கத்தை தொலைக்க வைக்கப் போகும் மற்றுமாறு மலையாள பெண்குட்டி . அம்மணிக்கு அபிநயங்கள் அருமையாக வருகிறது . நவீன் - நஸ்ரியா ஜோடிப் பொருத்தம் இயல்பாக பொருந்தியிருப்பதும் , அவர்கள் காதலை சொன்ன விதமும் அருமை ...


சூது கவ்வுமை தொடர்ந்து சிம்ஹாவிற்கு நல்ல வேடம் . வாய்ப்பை நன்றாக பயன்படுத்தியிருந்தாலும் இன்னும் மெனக்கட்டிருக்கலாமோ என்று தோன்றுகிறது . தம்பி ராமையா தன் வழக்கமான பாணியில் சிரிக்க வைக்கிறார் . ஜான் விஜயுடன் இவர் சேரும் போது படம் நேரம் சூடு  பிடிக்கிறது . சிறிது நேரமே வந்தாலும்  நாசர் ஆசம் என்று சொல்லி அசத்துகிறார் . திருட்டு கும்பல் , ஹீரோவின் நண்பன் , நண்பனின் மேனேஜர் , ஹீரோவின் மாப்பிள்ளை , நாசரின் தம்பி இப்படி நிறையே பேர் படத்தில் வெகு இயல்பாக வந்து போவது சிறப்பு ... 

எல்லாம் என் நேரம் " , " அவனுக்கு நேரம் நல்லா வொர்க் அவுட் ஆவுது " இப்படி நேரத்தை வைத்து நிறைய புலம்பல்களை பார்த்திருப்போம் . இதை ஒன் லைனாக கொண்டு தத்துவார்த்த படமாக இல்லாமல் ஒருவன் வாழ்வில் ஒரு நாளில் நடக்கும் நல்ல , கெட்ட நேரங்களை சுவாரசியமாக சொல்லியதற்கு இயக்குனருக்கு பாராட்டுக்கள் ...

காதலியை பக்கத்தில் வைத்துக்கொண்டு வேறொரு பெண்ணை சைட்டடித்து மாட்டிக் கொள்ளும் ஹீரோ " மூஞ்சியா அது நல்லாவே இல்ல " என்று சமாளிக்க " நீ மூஞ்சியவா பாத்த " என்று காதலி பதிலடி கொடுப்பது , பெண்ணை கண்டுபிடிக்க சொல்லி பிரஷர் கொடுக்கும் தம்பி ராமையாவிடம்
" கமிசனர் ஆபீஸ்  போயி அப்ப்ளிகேசன் கொடுத்து என்ன விட பெரிய போஸ்டுக்கு வந்தப்பறம் ஆர்டர் போடுங்க கேக்குறேன் " என்று ஜான் விஜய் கலாய்ப்பது இப்படி படம் நெடுக நிறைய நல்ல நேரங்கள் நம்மை கட்டிப்போடுகின்றன . அதே நேரம் காமெடிகள் வெறும் வசன கோர்வைகளாக இல்லாமல் காட்சிகளுடன் இணைந்து ரசிக்க வைப்பது படத்தின் ப்ளஸ் ...


பாப்புலரான பிஸ்தா பாடல் மட்டுமல்லாமல் " காதல் " மெலடியிலும் , பின்னணி இசையிலும் பரவசப்படுத்துகிறார் ராஜேஷ் முருகேசன் . லோ பட்ஜெட் படம் என்றாலும் ஒளிப்பதிவு ஹை யாக இருக்கிறது . படம் ஆரம்பித்த சில நேரங்களில் பொறுமையாக செல்லும் படம் நம் நேரத்தை சோதிப்பது , கதை எங்கும் போகாமல் மந்தவெளியை மட்டும் சுற்றி  வந்து ஒருவித சலிப்பை தருவது , யதார்த்தமாக இருந்தாலும் ஹீரோவிற்கு ஏற்படும் பிரச்சனைகளில் பெரிய பரபரப்பு இல்லாதது போன்ற குறைகள் இருந்தாலும் எடுத்துக் கொண்ட கருவிற்காகவும் , அதை படமாக்கிய விதத்திற்காகவும் , பாத்திர தேர்விற்காகவும் படத்தை பார்க்கின்ற அனைவரின் நேரம் வீணாகாது ...

ஸ்கோர் கார்ட் : 42


8 comments:

திண்டுக்கல் தனபாலன் said...

நன்றி... பார்த்திடுவோம்...

கோவை நேரம் said...

படம் நல்லா இருக்குன்னு பேச்சு...பார்த்திடுவோம்

A.balasubramanian said...

i saw the movie but many scenes i guess for example villain kidnap the girl and too many scenes

ananthu said...

திண்டுக்கல் தனபாலன் said...
நன்றி... பார்த்திடுவோம்...

உங்களின் வருகைக்கும் கருத்துக்களுக்கும் நன்றி ...!

ananthu said...

கோவை நேரம் said...
படம் நல்லா இருக்குன்னு பேச்சு...பார்த்திடுவோம்

உங்களின் வருகைக்கும் கருத்துக்களுக்கும் நன்றி ...!

ananthu said...

balasubramanian annamalai said...
i saw the movie but many scenes i guess for example villain kidnap the girl and too many scenes

உங்களின் வருகைக்கும் கருத்துக்களுக்கும் நன்றி ...!

test said...

உங்கள் வலைதளத்தை அழகுபடுத்த வேண்டுமா இந்த லிங்கை கிளிக் பண்ணுக http://www.bigmasstemplate.blogspot.in/

ananthu said...

karthik sekar said...
உங்கள் வலைதளத்தை அழகுபடுத்த வேண்டுமா இந்த லிங்கை கிளிக் பண்ணுக http://www.bigmasstemplate.blogspot.in/

உங்களின் வருகைக்கும் கருத்துக்களுக்கும் நன்றி ...!

Post a Comment

Related Posts Plugin for WordPress, Blogger...