2 February 2014

ரம்மி - RUMMY - ராங் டிக் ...


ரிசையாக வெற்றிகளை கொடுத்துக் கொண்டிருக்கும் விஜய் சேதுபதி, தனிப்பட்ட முறையில் பரிச்சயமாயிருந்த இனிகோ பிரபாகர் இந்த இருவருமே ரம்மி யின் மேல் ஒரு எதிர்பார்ப்பை ஏற்படுத்தியிருந்தார்கள் .  இவர்கள் ஏமாற்றவில்லையென்றாலும் இயக்குனர் பாலகிருஷ்ணன் சுவாரசியமில்லாத ரம்மி யை ஆடி நம்மை படுத்தி விட்டார் ...

87 இல் கதை நடக்கிறது . விடுதியில் தங்கி கல்லூரியில் ஒன்றாக படிக்கும் சக்தி ( இனிகோ ) , ஜோசப் ( விஜய் சேதுபதி ) இருவருக்கும் அந்த ஊர் பெண்களிடம் ( காயத்ரி ,ஐஸ்வர்யா ) ஏற்படும் காதலும் , அதனால் வரும் பிரச்சனைகளும் என்கிற அதரபழசான ஒன்லைன் தான் கதை . 80 களின் பின்னணியில் கதை நடக்கிறது என்பதற்காக 80 களிலேயே பார்த்து புளித்துப்போன திரைக்கதையையேவா எடுக்க வேண்டும் ?! ...

அழகர் சாமியின் குதிரை , சுந்தரபாண்டியன் போன்ற படங்களில் முக்கியமான கதா பாத்திரங்களில் வந்த இனிகோ விற்கு இந்த படத்தில் முழு நீள கதாநாயகன் வேடம் . சில க்ளோஸ் அப் காட்சிகளில் நடிப்பில் நெருடினாலும் மொத்தத்தில் தனக்கு கிடைத்த வாய்ப்பை நன்றாகவே பயன்படுத்திக் கொண்டிருக்கிறார் இனிகோ . நிறைய வாய்ப்புகள் கிடைத்து மேலும் வளர வாழ்த்துக்கள் ...


முன்னதாகவே புக் செய்யப்பட்டு விட்டதால் வேறு  எந்த ஒரு நடிகரும் செய்திருக்கக் கூடிய சாதாரண வேடத்தில் விஜய் சேதுபதி . பார்ட்டியை கல்லூரி மாணவன் என்று கற்பூரம் அனைத்து சத்தியம் செய்தாலும் நம்ப முடியவில்லை . வெகுஜன நாயகன்  ( ஓசியா டைட்டில் கொடுத்தாச்சு ) விஜய் சேதுபதிக்கு இந்த படம் எண்ணிக்கைக்கு மட்டுமே உதவும் ...

வடிவேல் பாணியில் வளம் வரும் சூரி கல்லூரியில் செய்யும் சில சேட்டைகளை ரசிக்கலாம் . ஆனால்  அவர் சீரியசாக நட்பை பற்றி இனிகோவிடம் பேசும் போது சிரிப்பு வருகிறது . இனிகோ விற்கு ஜோடியாக சுமார் மூஞ்சி காயத்ரியும் , விஜய் சேதுபதிக்கு ஜோடியாக ரொம்ப சுமார் மூஞ்சி ஐஸ்வர்யா வும் ( பேரையாவது மாத்தலாம் ) கிராமத்து பெண்கள் வேடத்தில் பொருத்தமாக நடித்திருக்கிறார்கள் ...


யதார்த்தமான கதாபாத்திரங்கள் , இடைவேளைக்கு பிறகு  கொஞ்சம் சூடு பிடிக்கும் திரைக்கதை , மலரும் நினைவுகளை கொடுக்கும் டூரிங் டாக்கீஸ் காட்சிகள் , லொக்கேஷன் , ஒளிப்பதிவு போன்றவை ரம்மியை கவனிக்க வைக்கின்றன . இமானின் பின்னணி இசை எஸ்.ஏ ராஜ்குமாரை நினைவு படுத்தினாலும் பாடல்கள் படத்திற்கு பலம் மட்டுமல்ல ஆறுதலும் கூட ...

சினிமாவில் இயக்குனராக வேண்டும் என்று முடிவெடுக்கும் போதே அவரவர் மனதில் ஒரு ஓன்லைன் உதயமாகும் . ஆனால் பல வருடங்களுக்கு பிறகு இயக்குனராகும் வாய்ப்பு கிடைக்கும் போது காலத்திற்கேற்றார்ப் போல கதை , திரைக்கதை யை செப்பனிடா விட்டால் கையை கடித்து விடும் . அந்த வரிசையில் இயக்குனருக்கு மட்டுமல்ல ரசிகர்களுக்கும் ரம்மி - ராங் டிக் ...

ஸ்கோர் கார்ட் : 38


Related Posts Plugin for WordPress, Blogger...